Atos PROVOX Vega Mode D'emploi page 81

Hugsanlegt er að Provox Vega talventillinn sé gleyptur fyrir
slysni. Ef þetta gerist skaltu hafa samband við lækninn til að fá
frekari ráðleggingar.
Endurnýting og endurvinnsla getur valdið víxlmengun og skemmdum
á tækinu, sem gæti valdið sjúklingnum skaða.
2.5 VARÚÐARRÁÐSTAFANIR
Ráðfærðu þig við lækninn ef um er að ræða
• Leka í gegnum eða í kringum ventilinn (hósti og/eða breyting á lit
slíms).
• Talerfiðleika (aukin áreynsla og/eða röddin hljómar spenntari).
• Merki um bólgu eða breytingar í vefjum í kringum opið (verkur,
hiti, bólga, vottur af blóði á bursta eftir burstun).
Til að draga úr sýkingarhættu:
Tryggðu að hendur séu hreinar og þurrar áður en þú notar hendurnar
nálægt barkaraufinni og áður en þú hreinsar talventilinn og/eða
fylgihluti.
Haltu öllum tækjum hreinum sem gætu farið inn í eða snert
barkaraufina og talventilinn.
Til að draga úr hættu á skemmdum á vöru:
Notaðu eingöngu upprunalega Provox fylgihluti sem ætlaðir eru til
notkunar með Provox Vega við meðhöndlun og hreinsun á ventlinum.
3. Notkunarleiðbeiningar
3.1 Notkun á Provox Vega við tal
Þegar þú lokar fyrir barkaraufina, getur þú beint loftinu frá lungunum
í gegnum ventilinn inn í vélindað (mynd 2).
Loftstraumurinn veldur titringi í vefjum í vélindanu, sem framleiðir
hljóðið í röddinni. Þú getur talað með því að nota varma- og rakaskipti
eins og Provox HME, handfrjálst taltæki eins og Provox Freehands
HME eða einfaldlega með því að loka barkaraufinni með fingrinum.
HME getur bætt lungnastarfsemina og auðveldar einnig lokun
á barkaraufinni og tal. Handfrjáls búnaður auðveldar tal án þess að
þurfa að loka barkaraufinni með fingrinum.
3.2 Hreinsun á Provox Vega
Til að þú getir talað með talventlinum verður ventillinn að vera hreinn
þannig að loftið geti streymt í gegnum hann. Regluleg hreinsun
ventilsins hjálpar einnig við að lengja líftíma tækisins.
• Burstun ventilsins með Provox Brush tvisvar á dag fjarlægir slím
og matarleifar úr ventlinum.
• Skolun ventilsins með Provox Flush hjálpar einnig til við að
hreinsa óhreinindi og slím úr ventlinum sem hjálpar til við að
lengja líftíma tækisins.
Athugið: Provox Flush er eingöngu ætlað til notkunar hjá
sjúklingum sem hafa, samkvæmt mati heilbrigðisstarfsmanns, sýnt
fram á getu til að skilja og fylgja stöðugt notkunarleiðbeiningum
án eftirlits heilbrigðisstarfsmanns.
• Talið er að tilteknar matarvenjur, eins og dagleg inntaka á jógúrt
eða súrmjólk sem inniheldur mjólkursýrugerla, gagnist vel gegn
óhóflegum vexti hvítsveppa.
VARÚÐ: Notaðu eingöngu upprunalega Provox fylgihluti sem
ætlaðir eru til notkunar með Provox Vega við hreinsun á ventlinum.
Annar búnaður getur valdið meiðslum eða skemmt raddventilinn.
3.3 Fylgihlutir
Provox Brush / Provox XL Brush er notaður af sjúklingnum til að
hreinsa ventilinn að innan (mynd 3).
Provox Flush er viðbótarhreinsibúnaður sem leyfir skolun á
ventlinum (mynd 4).
Provox Vega Plug er skyndihjálpartæki sem sjúklingur getur notað
til að stöðva tímabundið leka í gegnum ventilinn (mynd 5).
3.4 Aukabúnaður
Provox HME: Varma- og rakaskiptir sem endurheimtir að hluta til
þann hluta öndunar sem áður fór gegnum nefið (upphitun, rakagjöf,
öndunarviðnám).
Provox FreeHands HME: Varma- og rakaskiptir ásamt sjálfvirkum
barkaraufarventli, hannaður til að leyfa handfrjálst tal.
Provox LaryTube: Barkapípa úr sílíkoni sem ætlað er að styðja
við barkaraufar sem vilja skreppa saman og styður einnig annan
endurhæfingarbúnað Provox kerfisins.
Provox LaryButton: Mjúk sjálffestandi barkapípa úr sílíkoni sem
ætlað er að styðja við barkaraufar sem vilja skreppa saman og styður
einnig annan endurhæfingarbúnað Provox kerfisins.
4. Aukaverkanir/bilanaleit eftir einkennum
Það er á ábyrgð læknisins að upplýsa þig um áhættu og ávinning af
raddendurhæfingu með talventli og leiðbeina þér um hvað þú eigir
að gera ef þú finnur fyrir aukaverkun. Ef þú ert ekki viss um að þú
hafir skilið allar leiðbeiningarnar skaltu biðja lækninn um frekari
útskýringar.
Einkenni: Hósti (þegar þú drekkur eða borðar) á meðan ventillinn
er á sínum stað.
Algengustu orsakir: Leki í gegnum eða í kringum ventilinn.
Aðgerðir:
1. Hreinsaðu ventilinn með Provox Brush og/eða Provox Flush.
Matarleifar kunna að koma í veg fyrir að ventillinn lokist nægilega
vel.
Ef lekinn heldur áfram:
2. Fylgstu með ventlinum á meðan þú drekkur. Reyndu að taka eftir
því hvort það leki í gegnum miðjuna eða í kringum ventilinn.
a) Ef þú heldur að það leki gegnum miðjuna getur þú notað Provox
81