PROVOX Vega XtraSeal Mode D'emploi page 28

• Skoðið pakkninguna fyrir notkun. Ekki má nota vöruna ef pakkningin er skemmd
eða opin.
• Notið alltaf smitgátartækni við meðhöndlun á ventlinum til að draga úr
sýkingarhættu.
2. Notkunarleiðbeiningar
2.1 Val á stærð talventilsins
Tryggið að notaður sé Provox Vega XtraSeal-talventill með rétt þvermál leggs og í
réttri lengd. Provox Vega XtraSeal er fáanlegt í mismunandi samsetningum, bæði
hvað varðar lengd og þvermál.
• Val á þvermáli leggs
Læknirinn þarf að ákveða þvermál ventilsins sem er viðeigandi fyrir sjúklinginn.
Ef valið þvermál er stærra en þvermál fyrri ventilsins, þarf að víkka opið með
Provox Dilator víkkara sem samsvarar þvermáli ventilsins sem koma á fyrir.
Ef ventill með minna þvermál leggs er settur í þarf að fylgjast með og tryggja að
opið dragist saman í viðeigandi þvermál.
• Val á lengd leggs
Til að velja rétta lengd má nota núverandi ventil sem mælitæki.
Ef of mikið bil (þ.e. 3 mm/~0,12 tommur, eða meira) er á milli barkakraga gamla
ventilsins og slímhúðarinnar skal nota styttri ventil.
Ef ventillinn situr of þétt, skal nota lengri ventil.
Athugið: Leggur Provox Vega XtraSeal er um það bil 1 mm styttri en tilgreint er
vegna hins stóra vélindakraga.
2.2 Undirbúningur
(myndir 3-6)
Staðsetning talventils
1. Tryggðu að talventillinn sé rétt staðsettur á ísetningarpinnanum, vel festur og
að endi pinnans sé staðsettur í bláa hringnum á talventlinum (mynd 3).
Brjóttu barkakragann saman
2. Tryggðu að ísetningarpinninn sé rétt staðsettur í samanbrotstækinu (pinninn
á að smella inn í samanbrotstækið).
3. Þrýstu samanbrotstækinu saman með tveimur fingrum (mynd 4).
4. Tengdu hleðsluslönguna á meðan samanbrotstækinu er haldið lokuðu og snúðu
hleðsluslöngunni þar til hún læsist á sínum stað (mynd 5).
Setjið í
5. Ýttu ísetningarpinnanum áfram þar til talventillinn flúttar við sýnilega
hringinn á hleðsluslöngunni (mynd 6).
Gamli talventillinn fjarlægður
6. Fjarlægðu núverandi (gamla) ventilinn úr TE-opinu með því að draga hann út
með ótenntri æðatöng. Að öðrum kosti, samkvæmt ákvörðun læknisins, má taka
í barkakraga ventilsins með töng og skera hann af. Afgangnum af ventlinum er
síðan ýtt inn í vélindað þannig að hann fari í gegnum meltingarveginn. Taka
skal tillit til sögu sjúklingsins um sjúkdóma í meltingarvegi áður en þessi
aðferð er notuð.
Opið undirbúið (valfrjálst)
7. Víkka má opið til að undirbúa það fyrir ísetningu talventilsins. Þetta er yfirleitt
ekki nauðsynlegt en getur auðveldað ísetningu hjá sjúklingum með hlykkjótt
eða þröngt op sem lokast auðveldlega.
2.3 Ísetning, framvirk skiptingaraðferð
(myndir 7-10)
VARÚÐ: Koma þarf Provox Vega XtraSeal með stórum vélindakraga fyrir með
yfirskotstækni (e. overshooting) til að tryggja að bæði stóri viðbótarvélindakraginn
og hefðbundni vélindakraginn fari inn í vélindað. Með yfirskoti er átt við að allur
ventillinn er settur inn í vélindað og síðan er hann dreginn til baka í fyrirhugaða
stöðu.
1. Samanbrotstækið fjarlægt (valkvætt)
Eftir að ventlinum hefur verið ýtt inn í hleðsluslönguna skal fjarlægja
samanbrotstækið með því að opna og aftengja það frá hleðsluslöngunni (mynd 7).
2. Ísetning í TE-opið
Haltu Provox Insertion System með hleðsluslöngunni. Stingdu endanum á
hleðsluslöngunni inn í opið. Haltu áfram með varúð ef þú finnur fyrir viðnámi. Ef
þú finnur fyrir viðnámi, getur útvíkkun og/eða smurning auðveldað ísetninguna.
3. Ísetning talventilsins
Haltu hleðsluslöngunni stöðugri með annarri hendinni og ýttu á ísetningarpinnann
með hinni hendinni þar til hann er kominn framhjá yfirborði nærlæga gripsins
(mynd 8). Núna hefur talventlinum alveg verið komið fyrir inni í vélindanu
(mynd 9).
Ef ísetning með yfirskoti er framkvæmd með samsettu samanbrotstæki skal ýta
ísetningarpinnanum framhjá yfirborði fjarlæga gripsins (mynd 10). Núna hefur
talventlinum alveg verið komið fyrir inni í vélindanu (mynd 9).
4. Slepptu talventlinum
Dragðu hleðsluslönguna beint út úr opinu. Ventillinn verður eftir í vélindanu,
ennþá fastur við ísetningarpinnann. Gríptu í barkakragann með ótenntri æðatöng
og dragðu/snúðu talventlinum á sinn stað.
28