Dentsply Sirona SureSmile Mode D'emploi page 22

• Vertu viss um að þú sért að
nota tannréttingaskinnu á
réttu stigi. Ígreypt í hverja
tannréttingarskinnu og hvern
tanngóm eru fyrstu fjórir stafirnir
í nafninu þínu, „U" fyrir efri tennur
og „L" fyrir neðri tennur og þar
á eftir raðnúmer skinnu eða RET
fyrir tanngóma.
• Settu aðeins eina tannréttingarskinnu eða einn tanngóm upp
í einu. Það getur valdið skemmdum á þeim að reyna að koma
tveimur fyrir í einu eða beita of miklum þrýstingi.
• Þú getur sett hvort sem er efri eða neðri tannréttingarskinnu
eða tanngóm upp fyrst. Þegar hver tannréttingarskinna eða
hver tanngómur er settur upp á að þrýsta þeim varlega yfir
framtennurnar. Næst skaltu þrýsta með fingurgómunum á hægri
og vinstri jaxlana (stóru tennurnar aftast) með sama þrýstingi
báðum megin þar til tannrétingarskinnan eða tanngómurinn
smellur á sinn stað.
• Ef það er nauðsynlegt, til að koma tannréttingarskinnunum og
tanngómunum fyrir, setur þú Chewies™ ísetningarbakka upp í
munninn og staðsetur hann milli efri og neðri tannboga.
• Síðan áttu að bíta varlega saman með Chewies™
ísetningarbakkann í munninum og koma tannréttingarskinnunni
eða tanngómnum á sinn stað.
• Þegar þú ert ekki að nota Chewies™ ísetningarbakka áttu
ekki að bíta saman til að koma tannréttingarskinnunum
eða tanngómunum á sinn stað því að það getur skemmt
tannréttingarskinnurnar eða tanngómana.
• Smávegis ósamræmi milli nýrrar skinnu og stöðunnar sem
tennurnar eru í er eðlileg vegna þess að tennurnar þurfa tíma til
að aðlaga stöðu sína að nýju tannréttingaskinnunni. Ef þú finnur
fyrir sársauka eða verulegum óþægindum áttu að fjarlægja
tannréttingaskinnurnar og hafa samband við tannlækninn
tafarlaust. Hvað varðar tanngóma, ef þú finnur fyrir sársauka
eða verulegum óþægindum, áttu að fjarlægja tanngóminn og
hafa samband við tannlækninn tafarlaust.
Fjarlæging tannréttingaskinna og tanngóma
• Fjarlægðu tannréttingaskinnurnar og tanngómana þegar þú
borðar millibita eða máltíðir og
þegar þú drekkur aðra drykki en
kalt vatn.
• Þegar þú fjarlægir
tannréttingarskinnuna eða
tanngóminn ferðu með
fingurgóminn aftur fyrir
aftasta jaxlinn öðrum megin í
munninum og togar skinnuna eða
tanngóminn varlega af jöxlunum.
• Endurtaktu þetta ferli hinum megin
í munninum áður en þú reynir að
fjarlægja tannréttingaskinnuna eða
tanngóminn alveg.
• Ef þú finnur fyrir viðnámi getur
verið nauðsynlegt að endurtaka
IS-4
fyrri skref á nokkrum stöðum
á tannboganum. Ekki beygja,
snúa upp á eða nota of mikinn
kraft til þess að fjarlægja
tannréttingaskinnuna eða
tanngóminn vegna þess að það
getur valdið skemmdum.
• Þegar tannréttingarskinnan eða
tanngómurinn hefur losnað frá
jöxlunum báðum megin í munninum, ættir þú að geta unnið þig
rólega fram á við með því að losa skinnuna eða tanngóminn
varlega af tönnunum með fingurgómunum.
Athugið!
• Farðu varlega þegar þú fjarlægir tannréttinga skinnurnar,
sérstaklega ef þær hafa margar festingar.
• EKKI nota beitta hluti til að fjarlægja tannréttingarskinnurnar
eða tanngómana.
• Leitaðu ráða hjá tannlækninum ef mjög erfitt er að fjarlægja
skinnurnar eða tanngómana.
• Forðastu að fjarlægja tannréttingarskinnurnar eða tanngómana
að nauðsynjalausu til að koma í veg fyrir skemmdir á þeim.
Geymsla og skipting á tannréttingarskinnum og
tanngómum
• Geymdu tannréttingarskinnurnar og tanngómana í hulstri þegar
þú ert ekki með þær/þá í munninum til að þær/þeir týnist ekki
eða skemmist.
• Þegar komið er að tannréttingarskinnum á næsta stigi áttu að
hreinsa tannréttingarskinnurnar sem þú varst að ljúka við að
nota og setja þær á öruggan stað.
• Ef tannréttingarskinna eða tanngómur á „núverandi
stigi" týnist eða skemmist gæti tannlæknirinn mælt með
því að þú notir fyrri tannréttingarskinnur á meðan nýjar
tannréttingarskinnur á „núverandi stigi" eru framleiddar.
• Ekki geyma tannréttingarskinnur og tanngóma nálægt hitagjafa.
Það gæti valdið aflögun og leitt til þess að þær/þeir passi ekki í
munninn.
Munnhirða
Mikilvægt er að viðhalda góðri munnhirðu meðan á meðferð
stendur.
• Ef matur festist í tannrétttingarskinnunum eða tanngómunum
meðan á meðferð stendur getur það leitt til tannskemmda.
• Þú átt að bursta tennurnar og nota tannþráð áður en þú setur
upp tannréttingarskinnurnar eða tanngómana.
• Við mælum með reglulegum skoðunum og tannhreinsun hjá
tannlækni til að viðhalda heilbrigði tannanna og tannholdsins.
Örugg förgun
Notuðum tannréttingarskinnum og tanngómum má fleygja með
venjulegu heimilissorpi, eins og þú myndir fleygja tannbursta eða
notuðum tannþræði.
Ef þú ert með einhverjar spurningar eftir að hafa lesið þessar
leiðbeiningar skaltu hafa samband við tannlækninn.
IS-5