3M Versaflo M Série Notice D'utilisation page 40

Framkvæmið skoðun á andlitsgrímusamstæðunni fyrir hverja notkun, eins og lýst er í
viðeigandi notendaleiðbeiningum.
•
Fjarlægið hlífðarfilmu af hjálmgrímu
Stilling höfuðstykkis
Stilla á höfuðstykkið svo það þétti sem best að andlitinu og veiti sem best sjónsvið. Til að
stilla höfuðbeislið skal snúa hnappinum á stilliskrúfunni til að herða/losa beislið. Nota
getur þurft minnkunarpúða með stilliskrúfunni til að höfuðstykkið sitji betur. Losið
undirlagið af púðanum og festið hann á undirstöðuplötu stilliskrúfunnar.
Hægt er að stilla hæð á höfðinu og jafnvægi höfuðstykkisins með því að herða/losa
tauólarnar til að hækka/lækka höfuðstykkið (mynd 1) (eingöngu M-100/M-200 Series).
Einnig er hægt að stilla ennisband höfuðbeislisins á fjórum stöðum (mynd 2). Hægt er að
stilla hverja stöðu sérstaklega til að tryggja að höfuðstykkið passi mismunandi höfuðlagi.
NOTKUNARLEIÐBEININGAR
BÚNAÐUR SETTUR Á NOTANDA
1. Veljið samþykkta gerð öndunarslöngu (sjá lista yfir samþykktar öndunarslöngur fyrir 3M
í sérleiðbeiningum fyrir 3M M-Series vörulínuna) og tengið efsta hlutann við
höfuðstykkissamstæðuna. Upplýsingar um lengdir á öndunarslöngum eru í tæknilýsingu.
(Athugið: Þörf getur verið á millistykki með sumum öndunarslöngum – nánari upplýsingar
má finna í sérleiðbeiningum). Skoðið þéttið á oddmjóa endanum á öndunarslöngunni vel
(þ.e. þann enda sem er tengdur við loftdæluna) og kannið hvort það eru sýnileg merki um
slit eða skemmdir á henni. Ef þéttið er slitið eða skemmt þarf að skipta um
öndunarslönguna.
2. Tengið neðri enda öndunarslöngunnar við úttak andlitsgrímunnar.
3. Stillið og setjið á ykkur andlitsgrímuna eins og lýst er í viðeigandi
notendaleiðbeiningum.
4. Tryggið að hjálmgríman sé í reistri stöðu og passi á höfuðstykkið. Tryggið að
höfuðstykkið falli þétt að án óþæginda. Stillið höfuðstykkið, ef með þarf, eins og lýst var
hér á undan.
5. Kveikið á loftdælu eða tengið þrýstiloftsleiðslu við stilli.
6. (A) M-100/M-200/M-300 Series. Setjið hjálmgrímuna niður með því að toga í lykkjuna á
andlitsþéttinu þannig að þéttið liggi undir hökunni. Athugið hvort andlitsþéttið fellur rétt að
andlitinu allan hringinn.
(B) M-400 Series. Setjið umgjörð hjálmgrímunnar niður í lokaða stöðu. Herðið stillanlega
strenginn á innra byrði hettunnar þangað til minna en tveggja fingra bil er á milli
húðarinnar og innra byrðis hettunnar.
^ Setjið hjálmgrímuna alltaf rétt saman og notið bæði innra og ytra byrði
hettunnar.
^ Gangið úr skugga um að umgjörð hjálmgrímunnar læsist örugglega í lokaðri
stöðu. Skiptið út slitnum eða skemmdum hlutum, ef með þarf.
7. Gætið þess að lágmarksloftflæði, hið minnsta, til höfuðstykkis hafi verið tryggt og stillið
þannig að það verði sem þægilegast – sjá viðeigandi notendaleiðbeiningar.
8. Ef þörf er á skal lyfta hjálmgrímunni og stilla lofthlífina. Þegar hún er alveg opin er
meira loftstreymi beint yfir andlitið. Þegar hún er lokuð að hluta er hluta loftsins beint í átt
að hjálmgrímunni. Eftir stillingu skal setja hjálmgrímuna aftur niður (M-100/M-200/M-300
Series) eða í lokaða stöðu (M-400 Series).
Í NOTKUN
Í stöðunni „slökkt/lokað fyrir loftflæði" er ekki hægt að nota búnaðinn með
venjulegum hætti, uppsöfnun á koltvísýringi og súrefnisskortur getur átt sér stað
og búnaðurinn veitir litla sem enga vernd. Við þær aðstæður verður að yfirgefa
mengaða svæðið tafarlaust.
Gætið þess vel að öndunarslangan vefjist ekki utan um framstæða hluti í umhverfinu. Ef
þetta gerist skal yfirgefa mengaða svæðið og ganga úr skugga um að búnaðurinn sé
óskaddaður. Ef loftflæðið stöðvast eða minnkar meðan á notkun stendur skal yfirgefa
mengaða svæðið tafarlaust og kanna ástæðuna. Endingartími vörunnar við notkun er
mislangur eftir tíðni notkunar og notkunarskilyrðum. Skipta gæti þurft oftar um höfuðstykki
sem notuð eru í tærandi umhverfi eða úti í sólarljósi en höfuðstykki sem notuð eru
stundum innandyra. 3M mælir með 5 ára hámarksnotkunarlengd (geymsluþol að
viðbættum endingartíma í notkun) frá framleiðsludegi þegar þau eru geymd í samræmi
við ráðlögð geymsluskilyrði. Athugaðu: Flestir plastíhlutir eru með framleiðsludag
ígreyptan og skipta verður um þá samkvæmt ofangreindum tilmælum, óháð því hvernig
þeir líta út.
^ Ekki nota vöruna lengur en hámarksendingartími segir til um.
BÚNAÐURINN TEKINN AF
Fjarlægið ekki höfuðstykkið eða slökkvið á loftflæðinu fyrr en komið er út fyrir
mengaða svæðið.
1. M-100/M-200/M-300 Series. Takið um andlitsþéttið, lyftið hjálmgrímunni upp og takið
höfuðstykkið af höfðinu.
M-400 Series. Losið innra byrði hettunnar, takið um umgjörð hjálmgrímunnar og lyftið
hjálmgrímunni upp og takið svo höfuðstykkið af höfðinu.
2. Slökkvið á loftdælu eða aftengið þrýstiloftsleiðslu frá stilli.
3. Losið beltið um mittið.
ATHUGIÐ Ef öndunarhlífin hefur verið notuð á svæði þar sem hún hefur mengast af
efnum sem kalla á sértæka afmengunarverkferla ætti að setja hana í viðeigandi ílát
og þétta vel þar til hægt er að afmenga hana eða farga henni.
LEIÐBEININGAR UM HREINSUN
^ Notið aðeins þau hreinsunarferli og efni sem lýst er í þessum hluta til að þrífa
vöruna.
Notið hreinan klút, vættan í mildri lausn úr vatni og fljótandi uppþvottaefni til heimilisnota.
Ekki má nota bensín, klórborin fituhreinsiefni (svo sem tríklóretýlen), lífræn leysiefni eða
hreinsiefni sem innihalda slípiefni til að hreinsa neina hluta búnaðarins.
Við sótthreinsun skal nota blautklúta, eins og nánar er lýst í sérleiðbeiningunum. Leyfið
vörunni að þorna fyrir notkun.
VIÐHALD
Viðhald, þjónusta og viðgerðir ættu að vera í höndum sérþjálfaðs starfsfólks.
^ Notkun á ósamþykktum íhlutum eða breytingar án heimildar geta verið
skaðlegar lífi og heilsu og ógilt alla ábyrgð.
HVAÐ? HVENÆR?
Almennt eftirlit Fyrir notkun - Mánaðarlega ef tækið er ekki í
stöðugri notkun
Hreinsun Eftir notkun
^ Skipta þarf um hjálma sem verða fyrir þungu höggi.
Skipt um andlitsþétti (M-100/M-200 og M-300 Series). - Losið teygjanlegu lykkjuna af
ennisbandinu og fjarlægið plastflipann á andlitsþéttinu af „T"-festipunktunum (Mynd 3A,
3B og 3C). Dragið svarta andlitsþéttið hægt út úr umgjörð hjálmgrímunnar (mynd 4).
Setjið nýja andlitsþéttið í með því að láta þéttið liggja samhliða brún gróparinnar í
umgjörð hjálmgrímunnar. Ýtið þéttinu fast alveg inn í grópina umhverfis alla umgjörð
hjálmgrímunnar. Komið plastflipanum á andlitsþéttinu og teygjanlegu lykkjunni aftur fyrir.
Skipt um hettu (M-400 Series). - Dragið svarta hettuþéttið hægt úr höfuðstykkinu (mynd
5). Losið stilliskrúfu höfuðbeislisins úr gatinu á ytra byrði hettunnar og dragið stóra
plastflipann af loftinntakinu á höfuðstykkinu. Setjið loftinntakið aftur í nýtt ytra byrði hettu
og gætið þess að plastflipunum sé ýtt undir skel höfuðstykkisins. Látið þéttið liggja
samhliða brún gróparinnar og ýtið því fast alveg inn í grópina umhverfis allt höfuðstykkið.
Skipt um innra byrði hettu. - Rennið innra byrði hettunnar frá ytra byrðinu og skiptið um.
^ Setjið hjálmgrímuna alltaf rétt saman og notið bæði innra og ytra byrði
hettunnar.
Skipt um höfuðbeisli (M-100/M-200 Series).
Fjarlægið andlitsþéttið eins og lýst er hér að framan. Losið höfuðbeislið af höfuðstykkinu
með því að toga hæðarstillingarraufina af pinnanum á öllum fjórum festipunktunum (mynd
2). Festið nýja höfuðbeislið á með því að nota sömu festipunkta og festið andlitsþéttið á.
Skipt um höfuðbeisli (M-300 og M-400 Series).
Fjarlægið andlitsþéttið eins og lýst er hér að framan (eingöngu M-300 Series). Snúið
höfuðstykkinu á hvolf og losið höfuðbeislið með því að ýta plastkrókunum fyrir ólarnar upp
(mynd 6). Fjarlægið miðólina með því að ýta plastkrókunum upp. Festið nýju miðólina og
höfuðbeislið með því að stinga plastkrókunum inn í viðeigandi raufar. Gætið þess að allir
krókar séu alveg inni.
Skipt um ennisþétti (M-100/M-200 Series).
Hneppið þéttinu frá festipunktinum á höfuðbeislinu (mynd 7). Dragið svarta þéttið hægt út
úr grópinni. Setjið nýja þéttið í með því að láta þéttið liggja eins og sýnt er á mynd 8. Ýtið
þéttinu fast alveg inn í grópina. Festið ennisþéttið aftur við höfuðbeislið.
Skipt um ennisþétti (M-300 Series).
Fjarlægið núverandi þétti af höfuðstykkinu. Nuddið allar leifar mjúklega af með
höndunum. Hreinsið yfirborð með þurrku (sjá sérleiðbeiningar) eða rökum klút og þurrkið
svo með þurrum klút. Gætið þess að yfirborðsfletir séu alveg þurrir áður en ný ennisþétti
eru sett á. Gangið úr skugga um að nýju þéttin festist vel við höfuðstykkið.
Skipt um kjálkaþétti (M-400 Series).
Dragið svarta þéttið hægt út úr höfuðstykkinu (mynd 9). Látið nýja þéttið liggja samhliða
brún gróparinnar í umgjörð hjálmgrímunnar. Ýtið nýja þéttinu fast alveg inn í grópina.
Skipt um lofthlíf.
Hafið hjálmgrímuna í opinni stöðu, fjarlægið skemmdu/brotnu lofthlífina (notið verkfæri ef
nauðsyn krefur) og skiptið um hana.
Skipt um stilliskrúfu. - Finnið festipunkta stilliskrúfunnar á höfuðbeislinu (mynd 10A).
Ýtið á alla fjóra hluta festipunktanna (mynd 10B). Haldið nýju stilliskrúfunni þannig að
festingargötin sveigist upp á við (mynd 10C). Smellið festipunktunum á höfuðbeislið.
Skipt um hjálmgrímu. - Losið hnappana á umgjörð hjálmgrímunnar með því að ýta þeim
út frá innra byrði hjálmgrímunnar (mynd 11). (Athugið: Fyrir M-400 getur verið auðveldara
að ýta á hnappana með hjálmgrímuna uppi). Takið hjálmgrímuna úr umgjörðinni (mynd
12). Setjið nýju hjálmgrímuna inn í grópina í umgjörð hjálmgrímunnar og látið skorurnar í
hjálmgrímunni standast á við hnappagötin í umgjörðinni. Ýtið hnöppunum á
hjálmgrímunni inn í umgjörðina til að festa hjálmgrímuna á sínum stað (mynd 13). Smellur
heyrist þegar hnapparnir festast á umgjörðinni.
^ Gangið úr skugga um að hnappar hjálmgrímunnar séu tryggilega fastir og flútti
við umgjörð hjálmgrímunnar (mynd 14). Skiptið út slitnum eða skemmdum hlutum,
ef með þarf.
Skipt um umgjörð hjálmgrímu / snúningsbúnað. - Snúningsbúnaðurinn er sýndur á
mynd 15 (pinnar eru sýndir efst, síðan undirstöðuplötur og málmfjaðrir neðst).
Fjarlægið andlitsþéttið eins og lýst er hér að framan (eingöngu M-100/M-200 og M-300
Series). Hafið hjálmgrímuna uppi, togið í málmfjöðrina og togið hana út til að fjarlægja
hana (mynd 16). Fjarlægið umgjörðina. Ef verið er að skipta um umgjörð eða
snúningsbúnað skal fjarlægja pinnann með rauðu „3M" af umgjörð hjálmgrímunnar með
því að setja umgjörðina á borðbrún þannig að hún hvíli á pinnanum og ýta síðan
þéttingsfast á umgjörð hjálmgrímunnar með neðsta hluta lófans. Ef verið er að skipta um
snúningsbúnað skal lyfta undirstöðuplötunni aðeins upp og renna henni út úr raufinni á
skel höfuðbúnaðarins til að fjarlægja hana (mynd 17). Notið verkfæri ef nauðsyn krefur.
Setja ætti nýja pinnann inn í umgjörðina þannig að „3M" snúi rétt þegar varan er notuð.
Setjið nýju undirstöðuplötuna í (ávölu brúnina fyrst og þannig að blævængsmynstrið snúi
að ytra byrði hjálmsins – mynd 18). Stillið umgjörð hjálmgrímunnar upp yfir festiraufunum
og rennið fjöðrinni á sinn stað (mynd 19). Athugaðu: Umgjörð hjálmgrímunnar ætti að
vera í alveg opinni eða lokaðri stöðu áður en fjöðrin er sett í.
Skipt um hnappa á umgjörð hjálmgrímu. - Fylgið leiðbeiningunum um hvernig skipt er
um hjálmgrímu hér að framan og setjið nýja hnappa í.
Skipt um þétti á hjálmgrímu. - Dragið svarta þéttið á hjálmgrímunni hægt úr grópinni
(mynd 20). Setjið nýja þéttið í þannig að það liggi samhliða brún gróparinnar. Ýtið þéttinu
fast alveg inn í grópina.
Ennispúði. - Takið púðann af ennisbandinu. Vefjið nýjum púða um ennisbandið og festið
39