Bosch Purion 200 Notice D'utilisation D'origine page 107

Frekari upplýsingar um <Display configuration> er að finna
í appinu eBike Flow.
Akstursstilling valin
Á stjórnbúnaðinum eru hnappurinn til að auka stuðning + (5)
og hnappurinn til að minnka stuðning – (6) notaðir til að
stilla hversu mikinn stuðning drifið á að veita. Hægt er að
breyta akstursstillingunni á ferð og er stillingin gefin til kynna
með litamerki.
Aksturs- Upplýsingar
stilling
OFF Slökkt er á stuðningi drifsins, hægt er að hjóla á
rafhjólinu eins og á venjulegu reiðhjóli með því
að stíga á fótstigin.
ECO Virkur stuðningur með mestri skilvirkni, fyrir
hámarksdrægi
ECO+ Akstursstilling fyrir sem mest drægi, sem
kveikir ekki á drifstuðningi fyrr en hjólað er með
afli yfir ákveðnum mörkum; fyrir eðlilegar
hjólreiðar með sem mestu drægi
TOUR Jafn stuðningur fyrir ferðir með miklu drægi
TOUR+ Breytilegur stuðningur fyrir venjulegar og
sportlegar hjólreiðar
eMTB Sem bestur stuðningur við allar aðstæður, tekið
sportlega af stað, betri kraftur, hámarksafköst
SPORT Kraftmikill stuðningur fyrir sportlegar hjólreiðar
í hæðóttu landslagi og innanbæjar
TURBO Hámarksstuðningur upp að miklum
snúningshraða sveifar, fyrir sportlegar
hjólreiðar
AUTO Stuðningurinn er lagaður sjálfkrafa að
akstursskilyrðum hverju sinni.
RACE Hámarksstuðningur á brautum fyrir rafknúin
fjallahjól; mikil snerpa og „Extended Boost" fyrir
sem mest afköst í keppnum
CARGO Jafn og kraftmikill stuðningur til að geta flutt
þunga byrði með öruggum hætti
SPRINT Breytilegur stuðningur eftir snúningshraða
sveifar – fyrir sportlega notkun rafhjólsins á möl
og vegum með hröðum köflum og tíðum
brekkum
A)
LIMIT Stuðningur lagaður sjálfkrafa að
akstursskilyrðum með sem bestum hætti upp í
að hámarki 25 km/klst. fyrir hægari og
orkusparandi notkun S-Pedelec-hjóls
innanbæjar sem og hópferðir með venjulegum
rafhjólum
A) Aðeins fyrir S-Pedelec-hjól í Evrópusambandinu með
Performance Line Speed
Þegar akstursstillingin LIMIT er virkjuð breytir það ekki stöðu S-
Pedelec-hjólsins.
Heiti og útfærslur á akstursstillingum geta verið forstillt hjá
framleiðanda og valin af söluaðila reiðhjólsins.
Athugaðu: Það hvaða akstursstillingar eru í boði fer eftir
drifeiningunni hverju sinni.
Bosch eBike Systems
Akstursstillingu breytt
Hægt er að breyta akstursstillingunum innan vissra marka í
appinu eBike Flow. Þannig er hægt að laga rafhjólið að
þörfum notandans.
Ekki er hægt að búa til sína eigin akstursstillingu frá grunni.
Aðeins er hægt að breyta þeim akstursstillingum sem
framleiðandi eða söluaðili hafa leyft til notkunar í kerfinu. Um
minna en fjórar akstursstillingar getur einnig verið að ræða.
Auk þess getur verið að ekki sé hægt að breyta
akstursstillingunum vegna takmarkana sem gilda í þínu landi.
Hægt er að breyta eftirfarandi atriðum:
– Stuðningi í hlutfalli við grunngildi akstursstillingar (innan
lagalegra marka)
– Snerpu drifsins
– Hraðalækkunarmörkum (innan lagalegra marka)
– Hámarkstogi (innan marka drifsins)
Athugaðu: Breytta akstursstillingin er áfram með sömu
stöðu, sama heiti og sama lit á öllum hjólatölvum og
stjórntækjum.
Samspil drifeiningar og gírskiptingar
Jafnvel þótt um rafhjól sé að ræða er gírskiptingin notuð með
sama hætti og á venjulegu reiðhjóli (sjá notendahandbók
rafhjólsins).
Óháð því um hvernig gírskiptingu er að ræða er mælt með því
að stíga léttar á fótstigin í stutta stund á meðan skipt er um
gír. Þannig verður auðveldara að skipta um gír og dregið er úr
sliti á aflrásinni.
Með því að setja í réttan gír er hægt að auka hraðann og
drægið án þess að leggja meira á sig.
Þess vegna skaltu fylgja ráðleggingunum um gírskiptingu sem
birtast í hjólatölvunni.
Kveikt/slökkt á ljósunum á hjólinu
Áður en hjólað er af stað skal ganga úr skugga um að ljósin á
hjólinu virki rétt.
Kveikt er á ljósunum á hjólinu með því að halda hnappinum
fyrir hjólaljós (5) inni í meira en 1 sekúndu.
Kveikt og slökkt á teymingarhjálp
Teymingarhjálpin getur auðveldað þér að teyma rafhjólið.
Hraðinn fyrir teymingarhjálpina er að hámarki 4 km/h.
Forstillingin frá framleiðanda getur verið lægri og hægt er að
láta söluaðila reiðhjólsins breyta henni ef þess þarf.
Aðeins má nota teymingarhjálpina þegar rafhjólið er
u
teymt. Ef hjól rafhjólsins snerta ekki jörðu þegar
teymingarhjálpin er notuð skapast slysahætta.
Ef valinn er of hár gír getur drifeiningin hvorki hreyft
u
rafhjólið úr stað né virkjað rennivörnina.
Teymingarhjálpin er sett í gang með því að halda hnappinum
fyrir teymingarhjálpina (6) inni í meira en 1 sekúndu og fylgja
leiðbeiningunum á skjánum.
Til að virkja teymingarhjálpina verður að gera eitthvað af
eftirfarandi innan næstu 10 sekúndna:
– Ýttu rafhjólinu áfram.
– Ýttu rafhjólinu aftur á bak.
Íslenska – 5
0 275 007 3RP | (02.05.2024)