Skil 0534 Notice Originale page 203

БЕЗБЕДНОСНИ ПРЕДУПРЕДУВАЊА ЗА МОТОРНАТА
ПИЛА
ОПШТИ БЕЗБЕДНОСНИ ПРЕДУПРЕДУВАЊА ЗА
МОТОРНА ПИЛА
a) Чувајте ги сите делови на телото настрана од
моторната пила кога работи моторот. Проверете
дали моторната пила допира до нешто пред да ја
вклучите. Момент на невнимание додека работите
со моторната пила може да предизвика закачување
на облеката или телото за моторната пила.
b) Секогаш држете ја моторната пила со својата
десна рака на задната дршка и со левата рака
на предната дршка. Ако ја држите моторната пила
обратно, се зголемува ризикот од лична повреда и не
смее никогаш да се направи така.
c) Држете ја моторната пила само за изолираните
површини за држење бидејќи моторната
пила може да дојде во контакт со сокриените
жици или со својот кабел. Ако моторната пила
дојде во контакт со жица под напон, може да ги
електрифицира металните делови на моторната пила
и да предизвика електричен удар на операторот.
d) Носете заштита за очите. Се препорачува и
заштитна опрема за слухот, главата, рацете,
нозете и стапалата. Соодветната заштитна опрема
ќе ги намали личните повреди од остатоци што
летаат или случаен контакт со ланецот на пилата.
e) Не управувајте со моторната пила на дрво, на
скала, на покрив или на каква било нестабилна
потпора. Работата со моторната пила на овој начин
може да доведе до лична повреда.
f) Секогаш одржувајте соодветно стојалиште кога
работите со моторната пила стоејќи само на
фиксна, безбедна и рамна површина. Лизгавите
и нестабилни површини како што се скалила може
да предизвикаат да ја загубите рамнотежата или
контролата врз моторната пила.
g) Кога сечете затегната гранка, внимавајте на
повратното заклатување на гранката. Кога
затегнатоста во крошната на дрвото ќе попушти,
гранката може да го удри операторот и/или да ја
отфрли контролата врз моторната пила.
h) Обрнете исклучително внимание кога сечете
грмушки и фиданки. Виткиот материјал може да ја
зафати моторната пила и да да ја зафрли кон вас или
да ви ја измести рамнотежата.
i) Носете ја моторната пила за предната рачка
кога е исклучена и подалеку од телото. Секогаш
ставајте го капакот на лостот за синџирот кога
ја пренесувате или одложувате моторната пила.
Правилното ракување со моторната пила ќе ја
намали можноста од случаен контакт со синџирот
кога тој се движи.
j)
Следете ги упатствата за подмачкување,
затегнување на синџирот или за менување на
дополнителната опрема. Неправилно затегнат или
подмачкан синџир може или да се скине или да ја
зголеми можноста од повратен удар.
k) Сечете само дрво. Не користете ја моторната
пила за цели за коишто не е наменета. На
пример: не ja користете моторната пила за
сечење метални, пластични, ѕидарски или
недрвени градежни материјали. Употребата на
моторната пила за работи коишто се поинакви од
наменетите може да доведе до ризични состојби.
l) Не обидувајте се да предизвикате паѓање на
дрво додека не ги разберете ризиците и како да
ги избегнете. Може да се случи сериозна повреда
на операторот или лицата наоколу додека паѓа
дрвото.
ПРИЧИНИ ЗА ПОВРАТЕН УДАР И ЗАШТИТА НА
ОПЕРАТОРОТ
Повратниот удар може да се појави кога носот или врвот
на лостот за водење допре до предмет или кога ќе се
заглави дрво и ќе го зафати синџирот на пилата при
сечењето.
Контактот на врвот во некои случаи може да предизвика
неочекувана повратна реакција со што лостот ќе се
отфрли нагоре и надолу кон операторот.
Заглавувањето на синџирот на пилата долж врвот на
лостот може да го потисне лостот неочекувано наназад
кон операторот.
Која било од овие реакции може да предизвика да
изгубите контрола над пилата, што може да резултира
со сериозни повреди на други лица. Не потпирајте се
исклучиво на безбедносните уреди вградени во пилата.
Како корисник на моторна пила, треба да преземете
неколку чекори за вашите операции за сечење да бидат
без несреќи или повреди.
Повратниот удар произлегува од неправилно ракување
со моторната пила и/или неправилни процедури
или услови при работата, и може да се избегне со
преземање на соодветните мерки на претпазливост кои
се наведени во понатамошниот текст:
a) Одржувајте цврст фат, со палците и прстите
поставени околу рачките на моторната пила,
со двете раце на пилата и поставете ги телото и
раката за да ви овозможат да се спротивставите
на силите на ударот. Операторот може да ги
контролира силите на повратен удар доколку се
преземат соодветни мерки на претпазливост; не
отпуштајте ја моторната пила.
b) Не посегнувајте и не сечете над висината на
рамото. Ова помага да се спречи ненамерен
контакт со врвот и овозможува подобра контрола на
моторната пила во неочекувани ситуации.
c) Користете само резервни шипки и ланци за
пили наведени од производителот. Неправилни
резервни водилки и ланци за пили може да
предизвикаат кршење на ланецот и/или повратен
удар.
d) Следете ги упатствата на производителот за
острење и одржување за ланецот на пилата.
Намалувањето на висината на мерачот на длабочина
може да доведе до зголемен повратен удар.
ДОПОЛНИТЕЛНИ УПАТСТВА ЗА БЕЗБЕДНОСТ
ЛИЧНА ЗАШТИТА
• Децата и младите, со исклучок на ученици
постари од 16 години кога се под надзор, не
смеат да работат со пилата. Истото се однесува
на лица кои не знаат или не знаат доволно
како да ракуваат со моторната пила. Упатството
за работа мора секогаш да ви биде при рака.
203