3M PELTOR WorkTunes Mode D'emploi page 59

NOTKUNARLEIÐBEININGAR
Kveikt og slökkt á heyrnarhlífunum
Haldið niðri hnappnum til að kveikja/slökkva (E:9). Aðgerðin verður staðfest með raddskilaboðum.
Hljóðstyrkur útvarpsins stilltur
Ýtið á hnappinn + eða - til að stilla hljóðstyrk útvarpsins. Tækið er með átta hljóðstillingar; lægsta stillingin slekkur á
útvarpinu til að hægt sé að hlusta á inntak að utan.
Leitað að rásum
Ýtið á hnappinn til að kveikja/slökkva til að leita að útvarpsrásum. Aðgerðin verður staðfest með raddskilaboðunum
„Search station" (leita að rás).Ýtið á + eða - hnappinn til að skipta um rás. Raddskilaboð láta þig vita á hvaða tíðni
þú ert og stutt hljóð lætur þig vita þegar þú hættir að leita að nýrri rás.
Rás vistuð
Haldið niðri hnappnum til að kveikja/slökkva til að vista rás þegar leitað er að útvarpsrásum. Til að hlusta á vistaðar
útvarpsrásir skal ýta á hnappinn til að kveikja/slökkva þar til raddskilaboðin „Stored station" (vistuð rás) heyrast. Ýtið
á + eða - til að fara í gegnum vistaðar rásir.
Skipt um AM/FM-tíðnisvið (aðeins fyrir tilteknar gerðir)
Ýtið á hnappinn til að kveikja/slökkva til að skipta um tíðnisvið.Aðgerðin verður staðfest með raddskilaboðunum
„Radio band" (tíðnisvið).Ýtið á + eða - hnappinn til að skipta um tíðnisvið.
Hlustað í gegnum 3,5 mm ytra tengið
Tengið ytra tæki um 3,5 mm tengið með 3,5 mm snúru (seld sér). Ýtið á hnappinn - til að stilla hljóðstyrk útvarpsins á
lægstu stillingu svo að hægt sé að hlusta á ytra tækið. Stillið hljóðstyrkinn á ytra tækinu.
Sjálfvirk stöðvun
Búnaðurinn slekkur sjálfkrafa á sér ef hann er ekki notaður í fjórar klukkustundir.Þetta er gefið til kynna með
raddskilaboðunum „automatic power off" (sjálfvirk stöðvun) ásamt röð stuttra hljóða áður en slokknar á
búnaðinum.Þrýstið á einhvern hnapp til að koma í veg fyrir sjálfvirka stöðvun.
ÞRIF OG VIÐHALD
Notið sápu og volgt vatn til að hreinsa skálarnar, höfuðbandið og púðana að utan.
ATHUGIÐ: EKKI setja heyrnarhlífarnar í vatn.
Ef heyrnarhlífarnar blotna vegna rigningar eða svita skal snúa skálunum við, fjarlægja púðana og svampklæðningu-
na og leyfa því að þorna áður en þetta er sett aftur saman. Púðarnir og svampklæðningin geta eyðst við notkun og
athuga ætti með reglulegu millibili hvort á þeim séu sprungur eða þau leki. Við reglulega notkun mælir 3M með að
skipt sé um svampklæðningu og púða a.m.k. tvisvar á ári til að viðhalda stöðugri hljóðdeyfingu, hreinlæti og
þægindum. Skipta skal um púðana ef þeir skemmast. Sjá hlutann „Varahlutir" hér á eftir.
PÚÐAR FJARLÆGÐIR OG SKIPT UM ÞÁ
G:1 Til að fjarlægja púðann skal renna fingri undir brúnina og toga ákveðið beint út.
G:2 Til að skipta um púðann skal setja svampklæðninguna í. Passið að velja rétta þykkt á svampklæðningunni.
Þykkt nýju svampklæðningarinnar ætti að vera sú sama og á þeirri sem skipt er um.
G:3 Setjið aðra hlið púðans í dældina á skálinni og ýtið á hina hliðina þar til púðinn smellur í.
SKIPT UM RAFHLÖÐUR
Opnið krækju H:1 með fingrunum.
H:2 Opnið skálina.
H:3 Setjið rafhlöðurnar í eða skiptið um þær. Gangið úr skugga um að skautunin passi við merkingarnar.
H:4 Lokið skálinni og læsið krækjunni.
VARAHLUTIR OG AUKAHLUTIR
3M™ PELTOR™ HY220 hreinsisett
Hreinsisett sem samanstendur af tveimur (DK034) þunnum svampklæðningum, tveimur (DK042) þykkum
svampklæðningum og tveimur púðum sem smellt er í.
3M™ PELTOR™ FL6CE 3,5 mm snúra
3,5 mm snúra til að tengja ytra tæki
3M™ PELTOR™ HY100A Clean – Einnota hlífar
Einnota hlífar fyrir púðana. Pakki með hundrað pörum.
58