3M Powerflow 7900PF Guide Rapide page 34

NOTKUNARLEIÐBEININGAR
BÚNAÐUR SETTUR Á NOTANDA
SLÖKKVIÐ á rafhlöðupakkanum og:
1. Smellið rafhlöðupakkanum á beltið um mittið.
2 Losið allar höfuðólarnar 6 alveg, setjið spöngina aftan á höfuðið og togið
andlitshlífina yfir andlitið (mynd 4).
3. Herðið spöngina smátt og smátt, fyrst neðri ólarnar og síðan efri ólarnar
(mynd 5). Herðið ekki of mikið.
4. Kannið hvort undirþrýstingur er rétt stilltur. Sjá mynd 6.
5 Takið höndina frá inntaki síunnar og kveikið á rafhlöðupakkanum.
ÞÉTTNIPRÓFUN
Setjið lófann yfir inntakið, andið rólega inn og haldið andanum niðri í fimm til tíu
sekúndur.
Ef andlitshlífin leggst aðeins saman hefur búnaðurinn verið rétt stilltur.
Ef leki greinist skal endurstaðsetja öndunarhlífina á andlitinu og/eða endurstilla
spennuna á teygjuólinni til að koma í veg fyrir leka.
Því næst er prófunin endurtekin.
Ef EKKI tekst að láta hlífina passa rétt skal EKKI fara inn á hættusvæði.
Leitið ráða hjá yfirmanni.
Allir notendur ættu að máta öndunarhlíf til samræmis við landslög.
Hafið samband við 3M til að fá nánari upplýsingar um verkferli við prófun fyrir
hvern notanda.
Í NOTKUN
Notkun með slökkt á búnaðinum telst ekki eðlileg. Aftur á móti er veitt
minnkuð vernd til að hægt sé að yfirgefa mengað svæði á öruggan hátt.
Gætið þess vel að rafhlöðukapallinn vefjist ekki utan um framstæða hluti í
umhverfinu. Ef þetta gerist skal yfirgefa mengaða svæðið og ganga úr skugga
um að búnaðurinn sé óskaddaður.
Endingartími vörunnar við notkun er mislangur eftir tíðni notkunar og
notkunarskilyrðum.
Ef varan er notuð daglega er mælt með því að henni sé fargað eftir 5 ára
notkun, að því gefnu að varan sé geymd og henni viðhaldið með þeim hætti
sem lýst er hér á eftir.
Mjög erfið umhverfisskilyrði kunna þó að stytta notkunartímann.
BÚNAÐURINN TEKINN AF
Fjarlægið ekki andlitshlífina eða síurnar eða slökkvið á loftflæðinu fyrr en
komið er út fyrir mengaða svæðið.
1. Losið um spennuna á höfuðólunum.
2. Lyftið andlitsgrímunni gætilega frá andlitinu og fjarlægið öndunarbúnaðinn
með því að lyfta upp og frá andlitinu.
3 Slökkvið á loftdælunni.
4 Losið rafhlöðuna af beltinu um mittið.
ATHUGIÐ: Ef öndunarhlífin hefur verið notuð á svæði þar sem hún hefur
mengast af efnum sem kalla á sértæka afmengunarverkferla ætti að setja
hana í viðeigandi ílát og þétta vel þar til hægt er að afmenga hana eða
farga henni.
HREINSUN OG SÓTTHREINSUN
Mælt er með hreinsun eftir hverja notkun. Notið hreinan klút, vættan í mildri
lausn úr vatni og fljótandi uppþvottaefni til heimilisnota. Ef afmengun í sturtu þarf
að fara fram skal ekki leyfa vatni að komast í síuna. Notið afmengunarbúnaðinn
(sjá sérleiðbeiningar). Ekki leyfa vatni að komast inn í inntak eða úttak
loftdælunnar eða komast í snertingu við rafmagnstengingar. Eftir að hreinsi- eða
afmengunarverkferlar hafa verið framkvæmdir skal tryggja að
rafmagnstengingar séu lausar við ryk/vatn og þurrar. Nota skal 3M™ 105
klútinn til að hreinsa andlitsþéttið á vörunni. Hreinsið öndunargrímu með því að
bera á hana fjórgreint ammóníumhreinsiefni eða natríumhýpóklórið eða annað
sótthreinsiefni. Skolið með hreinu, heitu vatni og látið þorna við stofuhita í
ómenguðu andrúmslofti.
ATHUGIÐ
Notið ekki hreinsiefni sem inniheldur lanólín eða aðrar olíur.
Ekki má nota bensín, klórborin fituhreinsiefni (svo sem tríklóretýlen), lífræn
leysiefni eða hreinsiefni sem innihalda slípiefni til að hreinsa neina hluta
búnaðarins.
Ekki dauðhreinsa viftuna með gufu.
VIÐHALD
Viðhald, þjónusta og viðgerðir ættu að vera í höndum sérþjálfaðs starfsfólks.
^ Notkun á ósamþykktum íhlutum eða breytingar án heimildar geta
verið skaðleg lífi og heilsu og ógilt alla ábyrgð.
HVAÐ?
Almennt eftirlit
Hreinsun
Sótthreinsun
Skiptið um lokahlífar og
tengjaþétti andlitshlífar
Skiptið um rafhlöðupakka
Skiptið um síu.
Gera skal við andlitshlífina eða farga henni ef hún er skemmd eða ef gallaðir hlutar
koma í ljós. Sjá „Undirbúningur fyrir notkun".
Halda skal viðhaldsskrá við mánaðarlega athugun, í samræmi við reglugerðir um
hollustuhætti og öryggi á vinnustöðum. Slíka viðhaldsskrá skal halda í minnst 10 ár.
Ef farga þarf íhlutum ætti að gera það í samræmi við staðbundnar reglugerðir um
heilsu- og öryggisvernd og umhverfisvernd.
^ FLEYGIÐ EKKI LITÍUMRAFHLÖÐUM Í ELD OG SENDIÐ ÞÆR EKKI Í
BRENNSLU. Meðhöndla skal rafhlöðupakka sem sérstakan úrgang og í
samræmi við þær umhverfisreglur sem gilda á staðnum.
Höfuðspöng fjarlægð
Til að fjarlægja höfuðspöngina er sylgjunum ýtt fram á við á meðan haldið er í
andlitshlífina með hinni hendinni til að losa sylgjuna úr hnappinum á spönginni. Til
að setja höfuðspöngina aftur á er sylgjunni ýtt yfir hnappinn á spönginni og henni
rennt undir hnappinn til að festa hana á sínum stað. Sjá mynd 7.
Skipt um hjálmgrímu
Fjarlægið skrúfurnar sitt hvorum megin á umgjörð hjálmgrímunnar og fjarlægið
báða hluta umgjarðar hjálmgrímunnar. Rennið andlitshlífinni til baka frá brún
hjálmgrímunnar og fjarlægið hana. Til að skipta um hjálmgrímuna er miðja
linsunnar stillt af við miðlínu andlitshlífarinnar. Miðja hjálmgrímunnar er merkt með
tveimur litlum punktum, öðrum við miðjuna að ofan og hinum við miðjuna að
neðan. Setjið hjálmgrímuna í andlitshlífina, gangið úr skugga um að hún sé þétt á
öllum hliðum og festið umgjörð hjálmgrímunnar aftur á. Setjið skrúfurnar aftur í og
herðið. Sjá mynd 8.
Skipt um innöndunarloka nefskálar
Til að fjarlægja innöndunarloka nefskálarinnar er gripið í lokann og lokatappinn
togaður út úr lokasætinu. Til að skipta um er lokatappanum ýtt inn í gatið í
lokasætinu þangað til hann er fastur. Lokatappinn ætti að vísa frá andlitinu við
notkun.
Skipt um aðalinnöndunarloka
Innöndunarlokanum er ætlað að þétta skilfletina á milli innöndunartengisins á
andlitshlífinni og síanna. Fjarlægið lokann úr innöndunartenginu. Til að breyta
lokahimnunni er henni ýtt yfir miðjustöng innöndunarlokans. Setjið
innöndunarlokann inn í innöndunartengið og gangið úr skugga um að þéttið sé
tryggilega fest.
Skipt um útöndunarloka
Fjarlægið hlífina yfir útöndunarlokanum með því að ýta á tindana tvo sitt hvorum
megin við miðjuopið og renna hlífinni niður. Fjarlægið útöndunarlokann með því
að ýta á brún lokans. Til að skipta um er nýja lokanum ýtt niður á miðjustöng
lokasætisins. Setjið útöndunarhlífina aftur á sinn stað. Sjá mynd 9.
BILANALEIT
Einkenni Möguleg orsök
Athugun á 1. Lokað fyrir síur
mistekst 3. Rafhlaða þarf hleðslu
1. Rafhlöðutengingar
2. Rafhlaða tóm
3. Bilun í loftdælu
Andlitshlíf lekur Öndunarloki ekki þéttur
1. Klemma laus
Klemma
2. Þétti fyrir hjálmgrímu
hjálmgrímu lekur
skemmt
33
HVENÆR?
Fyrir notkun
Fyrir notkun
Mánaðarlega ef tækið er ekki í
stöðugri notkun
Eftir notkun
Eftir notkun ef þetta er ekki
búnaður til einkanota
Á hverju ári
Eftir u.þ.b. 300 hleðslur
Þegar notkunardagsetning er
liðin. Þegar tækið stenst ekki
Úrræði
1. Fjarlægið það sem
lokar fyrir síurnar
2. Skiptið um síur
3. Hlaðið rafhlöðuna.
1. Athugið
tengingarnar
2. Setjið nýjan,
fullhlaðinn
rafhlöðupakka í
3. Setjið nýja loftdælu í
Skiptið um lokahlífar
1. Herðið
klemmuskrúfur
2. Skoðið/skiptið út
hjálmgrímu eða
andlitshlíf