3M Powerflow 7900PF Guide Rapide page 33

i
3M™ Powerflow™ öndunarhlífakerfi 7900PF
Lesið þessar leiðbeiningar samhliða sérleiðbeiningum þar sem finna má
upplýsingar um:
• Varahluti
• Aukahluti
^ Veitið viðvörunaryfirlýsingum sérstaka athygli þar sem í þær er vísað.
UMBÚÐIR FJARLÆGÐAR
3M™ Powerflow™ kerfið ætti að innihalda:
a) 3M™ algrímu úr sílikoni
b) 3M™ Powerflow™ loftdælu
c) Loftflæðivísi
d) agnasíu
e) rafhlöðupakka
f) Hleðslutæki
g) afmengunarbúnað
h) afmengunarbelti
i) notendaleiðbeiningar
j) sérleiðbeiningar
KERFISLÝSING
3M™ Powerflow öndunarhlífakerfið 7900PF er aðeins hannað til að vernda
öndunarfæri gegn föstum og órökgjörnum fljótandi ögnum.
Varan uppfyllir kröfur EN 12942 (aflknúin tæki með heilgrímu).
Lofti er veitt til notandans sem dregur úr þreytu sem myndast þegar andað er
að sér í gegnum síuna án aðstoðar.
Ef loftsíueiningin eða rafhlaðan bregst við notkun er notanda séð fyrir skertri
vernd til að hann komist á öruggan hátt út af mengaða svæðinu.
VIÐURKENNINGAR
Þessar vörur eru gerðarviðurkenndar og skoðaðar árlega af BSI, Kitemark
Court, Davy Avenue, Knowlhill, Milton Keynes, MK5 8PP, Bretlandi (tilkynntur
aðili nr. 86). Þessar vörur eru CE-merktar í samræmi við kröfur sem settar eru
fram í annaðhvort Evróputilskipun 89/686/EBE eða Evrópureglugerð (ESB)
2016/425. Upplýsingar um gildandi sértæka löggjöf sem þessar vörur
samræmast má finna með því að skoða vottunina og samræmisyfirlýsinguna
sem finna má á eftirfarandi vefsvæði: www.3m.com/Respiratory/certs
Þessi vara samræmist Evróputilskipun um rafsegulsviðssamhæfi 2014/30/ESB.
^ VIÐVARANIR OG TAKMARKANIR
Rétt val, þjálfun, notkun og viðeigandi viðhald eru allt nauðsynlegir þættir
til að varan geti varið notandann fyrir tilteknum aðskotaefnum í lofti. Ef
öllum notkunarleiðbeiningum þessarar öndunarhlífar er ekki fylgt og/eða
ef hún er ekki höfð rétt á í heild sinni allan váhrifatímann getur það haft
alvarleg áhrif á heilsufar notandans og leitt til alvarlegra eða
lífshættulegra sjúkdóma eða varanlegrar fötlunar.
Til að varan henti og sé notuð rétt skal fylgja staðbundnum reglugerðum, fara
eftir öllum upplýsingum sem með henni fylgja eða hafa samband við
öryggissérfræðing/fulltrúa 3M (upplýsingar um tengiliði á staðnum).
Notið þetta öndunarhlífakerfi eingöngu í samræmi við allar leiðbeiningar:
• sem er að finna í þessum bæklingi
• sem fylgja öðrum íhlutum kerfisins (sjá t.d. í notkunarleiðbeiningum með 3M™
síu og 3M™ andlitshlíf)
Lesið allar leiðbeiningar um notkun og geymið til notkunar síðar meir.
Notið ekki þar sem styrkur aðskotaefna er meiri en 2000 sinnum
viðmiðunargildið.
Notið ekki sem öndunarhlíf gagnvart óþekktum aðskotaefnum í lofti eða þegar
styrkur aðskotaefna er óþekktur eða umsvifalaust hættulegur lífi eða heilsu
(IDLH).
Notið ekki í andrúmslofti þar sem súrefnisinnihald er minna en 19,5%.
(Skilgreining frá 3M. Í hverju landi fyrir sig kunna að vera í gildi aðrar
takmarkanir hvað varðar súrefnisskort. Leitið ráða ef vafi leikur á málum).
Notið aðeins með varahlutum og fylgihlutum sem taldir eru upp og innan þeirra
notkunarskilyrða sem fram koma í tæknilýsingunni.
Notist aðeins af þjálfuðu og hæfu starfsfólki.
Yfirgefið mengaða svæðið umsvifalaust ef:
a) Einhver hluti kerfisins skemmist,
b) Loftstreymi í andlitshlífina minnkar eða hættir alveg,
c) Erfitt verður að anda eða vart verður við aukið öndunarviðnám,
d) Vart verður við svima eða önnur óþægindi,
e) Vart verður við lykt eða bragð af aðskotaefnum eða ertingu.
Ekki má breyta þessari vöru. Notið aðeins upprunalega varahluti frá 3M við
viðgerðir.
^ Notið ekki í eldfimu andrúmslofti.
Veljið og notið viðeigandi vörn nálægt neistum og/eða logum.
Hafið samband við 3M ef fyrirhuguð er notkun á sprengihættustað.
Notið ekki yfir skegg eða annað andlitshár sem gæti hamlað snertingu á
milli andlits og vörunnar og þannig komið í veg fyrir góða þéttingu.
Mjög mikið álag (þar sem þrýstingurinn innan í andlitsgrímunni getur orðið
neikvæður) kann að minnka vernd.
Stillið búnaðinn eftir þörfum eða notið öndunarbúnað af öðru tagi.
Efni sem geta komist í snertingu við húð notenda munu ekki valda
ofnæmisviðbrögðum nema hjá minnihluta notenda.
Þessar vörur innihalda ekki íhluti sem gerðir eru úr náttúrulegu gúmmílatexi.
Notið aðeins með gleraugunum sem eru fáanleg sem aukabúnaður með
þessari vöru og tryggið að armar gleraugnanna hafi ekki áhrif á andlitsþéttið.
Örugg notkun hleðslutækja
Til að draga úr áhættu sem fylgir hættulegri spennu sem getur valdið
alvarlegum meiðslum eða dauða ef ekki eru gerðar viðeigandi ráðstafanir:
- Ekki nota hleðslutækin utandyra í blautu umhverfi.
- Reynið ekki að lagfæra hleðslutækin. Inni í tækinu eru engir íhlutir sem
notandi getur gert við eða sinnt viðhaldi á.
- Skoðið hleðslutækin og rafmagnssnúrur fyrir notkun. Skiptið um skemmda
hluti.
- Skiptið ekki út, breytið eða bætið hlutum við hleðslutækin.
Til að tryggja örugga hleðslu rafhlaðna skal aðeins nota viðeigandi samsetningu
rafhlaðna og hleðslutækja sem tilgreind er í sérleiðbeiningunum.
Örugg notkun litíum hleðslurafhlaðna
Litíumrafhlöður eru mjög orkumiklar og þær þarf að meðhöndla varlega. Fylgja
skal eftirfarandi öryggisþáttum:
Setjið ekki rafhlöðupakka í hærri hita en 70°C.
Gæta skal sérstakrar varúðar að rafhlöðupakkar séu ekki ofhlaðnir eða verði
fyrir skammhlaupi.
Ekki reyna að afhlaða rafhlöðupakkann í öðrum kerfum en tilgreind eru í
þessum notendaleiðbeiningum.
Ekki þvinga afhleðslu rafhlöðupakka þar sem það getur valdið ofhitnun, loftun
og losun efnis.
Ekki opna, gata, missa, afmynda, kremja eða eiga við rafhlöðupakka þar sem
það gæti leitt til losunar efna. Ef rafhlaða gatast óvart, hver svo sem ástæðan
er, skal hafa samband við tækniþjónustu persónuhlífa hjá skrifstofu 3M á
viðkomandi svæði.
Notið aldrei litíumrafhlöður í alveg lokuðu þrýstihylki.
Ef rafhlöðupakki verður óvart fyrir skammhlaupi eða byrjar að hitna af engri
augljósri ástæðu ætti , þar sem því er við komið, að aftengja hann tafarlaust og
færa hann á vel loftræst svæði eða svæði utandyra þar sem hann getur kólnað.
Ef ekki er hægt eða hagnýtt að aftengja rafhlöðupakkann skal yfirgefa svæðið
þar til öll virkni hefur dvínað. Þegar rafhlöðupakkinn er orðinn stöðugur er hægt
að farga honum. Til að fá frekari aðstoð skal hafa samband við tækniþjónustu
persónuhlífa hjá skrifstofu 3M á viðkomandi svæði.
Klæðast skal viðeigandi hlífðarfatnaði þegar rafhlöðupakkar sem kunna að hafa
skemmst eru meðhöndlaðir.
MERKINGAR
3M™ Powerflow™ loftdælan er merkt EN 12942.
Algríman er merkt EN136:1998 Class 2.
Sían (450-00-02) er merkt EN 147 TM3PSL, EN 12942 TM3P R SL og EN
143:2000 P3 R.
R = Endurnýtanlegt
UNDIRBÚNINGUR FYRIR NOTKUN
Gangið úr skugga um að búnaðurinn sé heill, óskaddaður og rétt settur saman.
Ef einhverjir hlutar hans reynast skemmdir eða gallaðir verður að endurnýja þá
með upprunalegum 3M-varahlutum fyrir notkun.
Mælt er með eftirfarandi verklagi fyrir notkun:
1. Gáið að sprungum, rifum og óhreinindum á andlitshlíf. Gangið úr skugga um
að andlitshlífin, einkum sá hluti sem þéttist við andlitið, sé óspilltur. Efnið á að
vera þjált, ekki stíft.
2. Gáið að sprungum og rifum í innöndunarlokum. Lyftið lokum upp og gáið að
óhreinindum eða sprungum í lokasæti.
3. Gangið úr skugga um að höfuðólar séu heilar og teygist vel.
4. Gáið að sprungum eða sliti í öllum plasthlutum.
5. Fjarlægið hlífina yfir útöndunarloka og skoðið útöndunarlokann og lokasætið
með tilliti til óhreininda, skemmda, sprungna eða rifna. Setjið hlífina yfir
útöndunarloka aftur á sinn stað.
Athugið hvort sían hentar verkinu sem vinna á – athugið litakóða, stafakóða og
flokk.
Fyrir fyrstu notkun skal ávallt ganga úr skugga um að varan sé ekki komin fram
yfir skráðan endingartíma (lokadagsetningu).
LEIÐBEININGAR UM SAMSETNINGU
Tengið loftdæluna við andlitshlífina með því að skrúfa hana vel inn í inntakið.
Tengið síuna við loftdæluna með því að skrúfa hana vel inn í inntakið. Sjá mynd 1.
Rafhlöðupakki
Notið aðeins hleðslutæki sem mælt er með (sjá sérleiðbeiningar fyrir viðeigandi
hleðslutæki).
Framkvæmið ekki skammhlaup í rafhlöðunni.
Hlaða ætti rafhlöðuna fyrir fyrstu notkun eða ef tækið hefur ekki verið notað í
meira en 5 daga.
Skiptið um rafhlöðu eftir að hún hefur verið hlaðin 300 sinnum.
Stingið rafhlöðukapalstenginu í rafhlöðuna þar til það læsist á sínum stað (sjá
mynd 2).
Prófun á loftflæði
Stingið loftflæðivísinum inn í úttak loftdælunnar, tryggið að sían og rafhlaðan
séu á sínum stað og að rafhlaðan sé fullhlaðin og kveikið á rafhlöðunni.
Athugið loftstreymi (sjá mynd 3), slökkvið á rafhlöðunni og fjarlægið
loftflæðivísinn. Ef lágmarksloftflæði er ekki náð skal skoða hlutann um bilanaleit.
32