Publicité
MIKILVÆGT
Til hamingju með nýju baðherbergishúsgögnin þín. Hér eru nokkrar ábendingar og leiðbeiningar varðandi rétta uppsetningu og
viðhald húsgagnanna.
Mikilvægt
Látið vatn ekki úðast beint á tréhluta húsgagnanna. Baðherbergishúsgögnin þola raka, en skulu þó ekki verða fyrir beinum úða við
böðun eða leka frá blöndunartækjum, vatnsrörum eða niðurföllum. Íhuga skal að nota þétta sturtulausn frekar en sturtuhengi.
Staðsetjið húsgögnin ekki nálægt sturtu eða baði. Komið þeim fyrir í a.m.k. 60 cm fjarlægð frá sturtu eða baði.
Líftími húsgagnanna lengist ef góð loftræsting er í baðherberginu sem fjarlægir raka og gufu eftir bað.
Uppsetning
Við uppsetningu á húsgögnunum skal athuga vatnsrör, blöndunartæki og niðurföll m.t.t. leka og muna að vatnsskemmdir á
húsgögnum geta einnig orðið við uppsetningu á blöndunartækjum og niðurföllum. Vatnsleki í skúffum eða skápbotnum veldur því að
tréplöturnar springa, málning flagnar og húðin losnar af húsgögnunum. Við uppsetningu á blöndunartækjum, rörum eða niðurföllum
er góð hugmynd að leggja handklæði í botn skápsins áður en uppsetning hefst.
Ef festa skal húsgögnin á tré- eða gifsvegg þarf að styrkja vegginn, því húsgögnin geta verið mjög þung. Meðfylgjandi veggakkeri og
skrúfur eru einungis ætlaðar fyrir múrsteins- eða steypuveggi. Ef um er að ræða aðra veggtegund, þarf að kaupa veggakkeri og
skrúfur sem ætlaðar eru fyrir þá veggtegund. Skrúfur fyrir veggi eða gólf, festingar, veggakkeri eða fóðringar fyrir vatn og niðurföll
skal þétta með teygjanlegu og vatnsþéttu sílíkoni.
Mikilvægt er að fylgja þessum leiðbeiningum svo farið sé að reglum iðnaðarins, auk þess sem birgir tryggir einungis gæði og ábyrgð sé
leiðbeiningum um uppsetningu og reglum iðnaðarins framfylgt.
Þrif á húsgögnum
Notið ekki sterk hreinsiefni eða grófa svampa til þrifa. Það rispar og skemmir yfirborð húsgagnanna. Halda skal húsgögnunum þurrum,
hreinum og lausum við fitu og hreinsiefni. Til að þrífa húsgögnin skal væta mjúkan klút með volgu vatni og sápu, hreinsa yfirborðið og
þerra umfram vatn af með þurrum klút. Notið fljótandi þvottaefni og heitt vatn og ekki nota hreinsiduft eða aðrar vörur sem
innihalda slípiefni, ammoníak, málningarþynni, vax eða olíu. Jafnvel húsgagnaáburður getur skemmt yfirborð og gljáa húsgagnanna.
Þurrkið strax af með klút ef asetón, málningarþynnir eða önnur sterk leysiefni hellast á húsgögnin.
Þrif á speglum
Allir speglarnir okkar eru með þéttum brúnum, til að koma í veg fyrir að spegilþynnan komist í snertingu við raka og byrji að ryðga.
Almennt endast speglar ekki lengi í röku umhverfi en með góðri loftræstingu eins og lýst er hér að ofan má lengja líftíma spegilsins.
Mikilvægt er að halda brún spegilsins þurri og að þurrka burt umfram vatn og hreinsiefni eftir þrif, sérstaklega undir speglinum, því
sterk hreinsiefni, vatn eða alkóhól geta leyst upp þéttinguna og spegilþynnan byrjað að ryðga með tímanum.
Vaskar
Postulínsvaskur er brenndur í ofni við háan hita og hvítur glerungur er brenndur inn í yfirborðið. Yfirborðið er því mjög endingargott,
auðvelt að þrífa og hefur verið það efni sem iðnaðurinn hefur kosið til margra ára. Nota má nánast hvaða tegund af hreinsiefni sem
er til að halda vaskinum hreinum, notið þó ekki sýrur eða önnur efni sem geta fjarlægt glerunginn eða stálsvampa sem geta rispað
yfirborðið. Postulínsvaskur hefur þó ákveðnar takmarkanir. Hann getur sprungið og glerungurinn brotnað ef harðir hlutir detta í
vaskinn. Þess má einnig vænta að í framleiðsluferlinu og við brennsluna tapi efnið 2-3% af upprunalegu ummáli sínu.
Gervimarmari er oft notaður í nútíma hönnunarvaska sem gera miklar kröfur til forms og hönnunar, þar sem 3% frávik er ekki
ásættanlegt. Þetta efni má móta í hvaða form sem er og hefur ekki sömu takmarkanir og postulínsvaskar. Þetta er hart efni með
langan líftíma ef þessum einföldu leiðbeiningum er fylgt og það er notað við eðlilegar aðstæður . Ekki skal nota sterk hreinsiefni,
hreinsiduft eða efni sem fjarlægja kalkstein, sýrur, hár- eða fataliti , ætandi hreinsiefni fyrir niðurföll eða harða svampa sem geta
rispað yfirborðið. Til þrifa er mælt er með heitu sápuvatni og mjúkum svampi eða klút . Til að fjarlægja kalk má nota hörðu hlið
svampsins "varlega", annars getur vaskurinn misst glansandi yfirborð sitt. Endurnýja má glansinn með "bílabóni". Einnig má nota
venjulegan hreinsiúða á yfirborðið.
Setjið ekki logandi sígarettur eða mjög heita hluti, s.s. hárþurrku, á vaskinn. Það getur valdið bruna og blettum.
Vinsamlegast hafðu samband við okkur ef þú hefur einhverjar spurningar um nýju húsgögnin.
Publicité
